se ti me spètes…
Ascoltala dal vivo...
Audio clip: Adobe Flash Player (version 9 or above) is required to play this audio clip. Download the latest version here. You also need to have JavaScript enabled in your browser.
qoel ultim fiòc de néo
cunà sul vènt che tase
l’è qoèrta a ‘n fior selvadec’
‘n de ‘n dì de primavéra
lontan, sòn de campana
col sò batòcio gréo
compagna l’ultim sgiànz
de ‘n sol che va a polsàr
e ‘l ciel tut torc, ‘mbombì
saluda con na lagrima
ninöl soléo che sgola
e ‘l torna a le sò cà
pò ‘n baticör che slanega
‘l palésa su le galte
na rogia, sal de amor
che ronca i mè pensieri
lasando dent la vöia
che ‘n dì, se ti me spètes
g’avrai da dirte dolc
el cant nasù par ti
te tegno ‘n de i mè sogni
ti, luna a le mè nòt
te struco fisa al pèt
slusor dei dì pu rùgioi
saràs compagna a ‘l viac
come careza al viver
Giuliano
(è per Giorgio, spero non si offenderà se la pubblico)
Questo/a opera è pubblicato sotto una Licenza Creative Commons
Post Footer automatically generated by Add Post Footer Plugin for wordpress.