la casa…
dedré a ‘n porteghet
scondù da ‘n porton
ghè ‘n mondo che gira
davert vers el ciel
su per nà scaleta
che sà de poesia
strucà su ‘nden fianc
te speta ‘n soriso
che ilumina fort
de bel e de calt
stropaie de legn
che ferma la not
e i oci sì bei
de chiche lì vive
te ‘ndriza ‘l pensier
par farte polsar
pan pian davergendo
la porta sul nìo
profumi de casa
che ‘ndòra la vita
e i calma pasion
che lases deför
sentandote giò
par far pöc rumor
e ‘l sò bel soriso
strengiù ‘ntrà quei muri
l’ilumina i cöri
par farli star ben
e gates lì dent
saori de casa
coltrine de fiori
che scalda la not
e quando la vardes
sentarse lì arent
la sentes star ben
col sol sluser dent
Giuliano
Per la Francy, un amica
Questo/a opera è pubblicata con una Licenza Creative Commons