sentirse arènt… en migol

guèra, dapartùt
l’à dit el Màgio scur
ma sol se fata apòsta
par salvarne tuti qoànti

guèra, se la sèrve,
par tegnìrne i cuci mòrbi
e mandar le pöre gènt
sota i pònti a bàter bròche

guèra, ma sol par i prinzìpi
che i rèstia fiši, néti
metudi ‘n de ‘l sò posto
par guernàr el nòs doman

guèra, ma de qoela ‘nteligenta
che cópia sol, chi ne völ mal
o chi de sò, no sà nancór
che se i möre l’è par lori

guèra, sula schena de ‘n camèl
lasà sol, nar dré na stéla
con qoei doi che i pòrta òri
par regàl a ‘n nèno strach

guèra, par bandére palesàde
che ghe dis le nòše gènt
“töite ‘n man el s’ciòp cargà
par salvar i tò prinzìpi”

guèra, sèmpro guèra
anca a Nadàl
che ‘l sia sol par na parola
che disen al vèrs sbalià?

Giuliano

Questo/a opera è pubblicato sotto una Licenza Creative Commons

Post Footer automatically generated by Add Post Footer Plugin for wordpress.