quel linzöl bianc…

quel linzöl bianc
che squerge ‘n pó tasendo
quel cör si gros che dorme
me porta via ‘l pensier

sgolando sora i fiochi
de nèo che cróda bianca
par svizinar ‘n pöc l’anima
a ‘n paserot ‘nghiaciá

che come ‘n primavera
l’é saltá för dal nío
cercando ‘n fil de sol
drè a ‘n sfalivar che tase

e tut entorn par bata
ninada arent ‘la vita
che sota sta flanela
la polsa ‘n pochetin

lí sota ‘n fior che speta
vizin a ‘n amor ceto
che ‘nde sto taser morbi
se ‘nsogna ‘l só doman

e pian la cala bianca
sta querta freda e tendra
par i oci paradis
dei fiori cuna tebia

e me somees ti
sto delicat concerto
de fiochi a ‘n bal portadi
da ‘n vent che sfiora ‘l cör

Giuliano

Questo/a opera è pubblicata con una Licenza Creative Commons