quanche te sfioro i làori
vardandote i bei oci
strengendote ‘ndei braci
sás de ‘n bel dolc saor
el par sia mel de acáz
che ‘ntacola ‘l pensier
che smorbia ‘l tó soriso
che me fá calt de dent
e ven för da sta’ smania
colori bei e dolci
che ‘ndrizes con en baso
sul pónt che me as portá
e ‘n ciel, la luna muta
che varda sora al cör
m’ha fat sentirme tó
basá da ‘n sol content
Giuliano
Questo/a opera è pubblicato sotto una Licenza Creative Commons
