l’ei erta come ‘n mur
la cava ‘l fiá cativa
‘sta strada vers al ciel
me pico fis a ‘n ram
come su ‘n mez a ‘n sgrében
par no slizegar gió
la cima la par chi
vesina a ‘n colp de ocio
che ‘l par de carezarla
ma tut ‘nden colp l’é scur
squergiú da ‘n linzöl greo
che sconde ‘l sol ai sguardi
su ‘n mez ‘quei crozi lustri
slisadi ‘n pöc dal vent
‘na bela stela alpina
la ciuta för spaventa
par farse carezar
su ‘n quel sbrióc ‘ntra i mughi
e mi che me arvezino
col cör che me scolobia
te sento ti ‘ndel fior
e ‘l ciel che ‘l scolta e ‘l tase
par compagnarme arent
l’averge ‘l pét de azur
me polso a farghe ombría
e vardo ‘ndrè la chipa
ma ades l’é ‘n prá de fiori
ades l’é quel che és ti
Giuliano
Questo/a opera è pubblicato sotto una Licenza Creative Commons
