menudole…

struche ‘ntorn a ‘n albor vìo
le se ‘ntortola rabiose
come ‘l fus en moment sol
quel strucon che no fenise

e le crese forte e dolcie
dando fiori che scantina
bianchi, azuri e color pèl
i straluna sto bel veder

pò le slarga i braci al ciel
strangosando ‘n ragio tebi
rampegandose su ‘n zima
par vardar el sol che nase

e se ‘l ciuta ‘ncor drè al mont
el ghe dà careze morbie
come ‘l fusa el cör che bate
quande ‘l vede amor che vèn

e sti fiori par sia rasa
i se taca fisi al pèt
come quande che me strenges
par cantarme ‘l tò pensier

Giuliano

Questo/a opera è pubblicata con una Licenza Creative Commons