This page was exported from nalènt... [ http://www.diaolin.com/wordpress ]
Export date: Mon Apr 15 22:54:58 2024 / +0000 GMT

gnènt...



è mòrt valguni sta matina

l'ai vìst en pónta al dé

strisàndo tut el ciél sóra na nùgola

come a ghe córer dré 'i osèi

che i sgóla a scarmenón

l'è stà 'n susùr pù gréo

ghiaciöl de dént 'n de 'l cör

spetàr se dala nebia nase 'n sgiànz

gatando sol, l'azùr de 'n bùs

'mpienù de céndro, grìsa

me sento 'n mèz le còste

qoel vöit che šà de préda

balòt, che 'l cùcia 'nsìn el vènt zidiós

a rudolón 'n de 'l stomec

lavìn su i sogni mèi

e cerco 'ncor, sul dé,

par desgaisàr da 'l giòm

resón, 'ngartiàde da 'n gatèl rebùf

ombrìa pù greva arènt

caröl che scava 'l fónt

è mort valguni sta matina

ma gnènt no se è pandù

anca 'l batòcio de la granda à tasèst cèt

negùn à dit pù gnènt

sol òci, fisi 'n tèra

che 'l sia stà 'l siore Dio

qoel cic' perdù 'n de 'l vènt?

Giuliano

Powered by [ Universal Post Manager ] plugin. MS Word saving format developed by gVectors Team www.gVectors.com