e šin e šon e šan...


l'è come 'n zifolòt
la falc' che sega 'l prà
la subia ale careze
de preda dura e möia

quel giovenòt feruscol
el canta al sol che nase
en šin e šon e šan
che 'l sà de vita vera

vesìn pasa 'n boiar
a montegar bestiam
e 'n l'aria fort se spande
en sòn lontan de amor

ziboga a spas 'ndel vènt
par tut 'na serenada
e 'l šin e šon e šan
l'è 'l cör che bate fis

con el cozàr en man
par che se mpontia 'l bal
e  'l sol che 'l ciuta tebi
destempra 'l bosc che tase

pò 'n ciciolar de arzènt
campane gio 'n la val
e 'l šin e šon e šan
careza 'l fil già bols

Giuliano