This page was exported from nalènt... [ http://www.diaolin.com/wordpress ]
Export date: Mon Apr 15 22:52:18 2024 / +0000 GMT

presonéri...



presonéri de 'n rochèl

che de noi ghe n'à 'nfestìdi

gira e 'l rudola sui corli

senza palesàr pašión

presonéri de quei sogni

da valgùn fati par noi

starlezàri sgociàn sanc'

campanò che 'l ne deléva

presonéri dei baiochi

quel slusór che 'l pàr sorisi

sdindònar 'ndé la scarsèla

par cetàr vöie pù strache

presonéri sol de ciàcere

'ndé 'na slòica 'n viver crùo

quel contàrne de 'n bel sol

pò dré 'l gàl vèn sèmpro nùgol

presonéri al nòs strangós

de 'n domàn pù bèl e mòrbi

e la schéna che se cùcia

fin che 'l dì narà a paión

presonéri e nó 'l savén

dela càbia che avén dent

engropadi a 'n slùc' de žaibel

ónger làori screpolàdi

presonér varderò 'n sù

quel'azùr slusènt su sóra

sule cime dela Brenta

che le 'nrösa a 'n sgiànz de sól

presonér sol de qoél véder

che me sgiónfa 'l fià de ràsa

smisià dent 'ndel vert dei pradi

come 'n fior calùmo 'l ciel

presonér...

ancor en pöc'

Giuliano

Powered by [ Universal Post Manager ] plugin. MS Word saving format developed by gVectors Team www.gVectors.com