This page was exported from nalènt... [ http://www.diaolin.com/wordpress ]
Export date: Sun Apr 14 2:07:37 2024 / +0000 GMT

ciao, mama



Li 'n longa a 'na frutara

iluminada al sol

ghe' 'na putela splendida

'ngropada a far fagot

la s'é gatada 'n nìo

par viver la sò storia

a 'n colp de vent lontana

da la sò mama cara

che col pensier en man

se racomanda al ciel

che quela növa strada

la pödia far del ben

a quela bela fiöla

che 'l cör sò, se spetava

che prima o dopo faga

quel pas che 'l pesa 'n pöc

ma con na lagrimota

che slusega sui oci

la fiöla cara e bona

la ghé careza el cör

e la ghé dis: ti mama

no farte 'na pasion

se 'ndrizo la me strada

dré a quel che 'l dis el cör

chi dentro i me pensieri

giò 'n font vizin a l'anima

resta par sempro 'l ben

che ti me fas sentir

anca se son lontana

chi an colpetin de vent

en pöc del cör sinzero

te stará sempro arent

Giuliano

Dedicato al trasloco di un amica, la Francy , anzi, a quello che penso lei lasci

nella casa dove ha vissuto finora, o, forse alla sua mamma.

Powered by [ Universal Post Manager ] plugin. MS Word saving format developed by gVectors Team www.gVectors.com