che stele stasera…

      94.mp3

en ciel propi ciar
sbusà come ‘n col
da luci che sluse
e sbrigola pian

lontan drè a quel mont
en mez a la val
na nugola grisa
che sfregola ‘l bosc

e ‘l ciel che me varda
coi oci de ti
e lagrime sgocia
dal ben che me vös

e pian el susura
te fago da quert
par tuti i pensieri
che i sogni ‘mpitura

la not si serena
e dolcia con ti
che ‘ndrizes el cör
‘nden sogno pù bel

e stele che brila
che lasa ‘na strisa
che dura per pöc
…el temp de sperar

i dis che a vardarle
bison pensar ben
a quel desideri
che cerches da ‘n pez

e subit se smorza
la faliva gialda
e l’anima sento
de ela, che ariva

Giuliano

Questo/a opera è pubblicata con una Licenza Creative Commons
Free Cultural Works

volerte ben

      93.mp3

no l’è sempro si fazile
volerghe ben an fior
che ‘l vent el scorla pian
ma no sel pöl binar

se pöl sentirne ‘l dolc
del sò profumo intenso
ma mai tegnirlo fis
ché ‘l poderìa morir

ma quando ‘l vardes ben
che ‘l vedes lì vesin
te basta anca ‘l pensier
che ‘l staga a spetar tì

spetar chiche ‘l lo aida
a creser san e bel
protegerlo dal vent
che ‘l völ portarsel dent

e quando el sol el bate
‘l lo aùta con l’ombrìa
e al sol ghe roba i ragi
par no ferirghe ‘l cör

e scolta ‘l so tremar
quando che ‘l sol el zede
e con na man ligera
‘l lo squerge par scaldar

scaldar quel fior si dolc
che ‘l fà che tut quel sgreben
el pária ‘n piciol nìo
dove che crese amor

Giuliano

Questo/a opera è pubblicata con una Licenza Creative Commons
Free Cultural Works