Autore: diaolin

Pubblicato il

en bel paes

      115.mp3

gh’è ‘n bel paes
su ‘n mez ai monti
‘ndoche as lasà ‘l cör

dove che ‘n temp
en pöc lontan
no m’as dit gnent

te l’es tegnù par ti
strucà ‘ndel anima
ligà al pensier

ligà ‘l pensier
che ‘n dì
me avristi vist

magari mai
però l’è ades
che tut fiorise

ma ti no vös
binar quel fior
come ‘l sia tò

ti vös che ‘l temp
te autia ‘n pöc
a carezarlo

a darghe amor
che nase pian
da ‘n cör content

Giuliano

Questo/a opera è pubblicata con una Licenza Creative Commons
Free Cultural Works

Pubblicato il

e và giò ‘l sol

      102.mp3

l’è ‘n dì de autun
e ‘l sol che me ‘mbarluma
me dis che ‘ncöi l’è lonc
spetar l’amor che ariva

‘nde stà giornada bela
gh’é sempro ‘n momentin
che penso ai toi bei oci
che me sbalegia ‘l cör

ma dentro i me pensieri
sò già che arives ti
con tuti i tò sorisi
che i sbocia dai toi làori

e penso ancor ‘na volta
a quando en vel de neo
farà da quert liger
a tuta la natura

e ‘l fum che snebia i querti
saor de calt el porta
par sgiaranzar giornade
che caminavo sol

ma forsi l’ei fenida
stà storia che no ghera
da quando te ho rivista
l’ho trata ‘nden lambic

e ‘l boi che scalda i sogni
el tira för dal fum
sol quei pensieri bei
che me fa star con ti

ma adeso sento l’anima
de chiche và dré al pè
de chiche al cör
ghe fà reger el car

e và giò ‘l sol
den dì de autun
e ‘l ciel che sluse
me fà trovar l’amor

Giuliano

Questo/a opera è pubblicata con una Licenza Creative Commons
Free Cultural Works