Categoria: trentino

Poesie in trentino di Sover

Pubblicato il

adès ti polsa…

      830.mp3

òci de lövi
quei doi lumini
sgrìsol de cöri
lóre ‘ndel stròf

cant de cioìta
‘ndel scùr, ‘nzispàda
compagna ‘n anima
sul vènt via oltra

e la se strénge
‘nde l’ultim sgól
piuma ligéra
pogiàda a l’ala

coi òci mìzi
negùn la vede
sol na careza
soriso al ciél

e ‘l bianc’ linzöl
fianèla al bosc’
la töl en gaida
ninàrghe ‘l sòn

fòrsi che i pradi
e ‘n sgiànz che slùse
fés dei tò sogni
el fior pu bèl

Giuliano

Per Eluana Englaro

Questo/a opera è pubblicata con una Licenza Creative Commons
Free Cultural Works

Pubblicato il

laseme ‘na lagrima…

      814.mp3

che òm vös che fùšia
se no slagrimàs pù
e quei tò crùzi ‘n l’anima
fùs vènt de för da l’ùs

che òm vös che fùšia
dedré da ‘n vedro grìs
scondù a l’orlòi che péstola
co ‘l cör endromenzà

che òm vös che fùšia
se ‘l mè pensier de amor
no ‘l fùš na slizolàda
su ‘n mèz al bosc’ con ti

che òm vös che fùšia
se dent ‘n de na careza
no te disés che ès chi
vesina a ‘n föc che s’ciòca

che òm vös che fùšia
sentà su ‘na banchéta
lì sota quel bèl témbel
na ghèba par compagna

ma làseme na làgrima
a rogiàr su le mè galte
qoànche dent fìš ‘n de i sogni
vorìa strucarte arènt

tàchete al snöl de cà
amor che me scolóbies
Giuliano

Questo/a opera è pubblicata con una Licenza Creative Commons
Free Cultural Works