Mai arrabbiarsi, solo meravigliarsi!
il mio primo libro di poesie
adès dedré ‘quel ùs
‘mpizà gh’è ‘n föc che sfòga
e dent ‘ndei oci dolci
gh’è ‘n fior che ‘l par en sol
se scalda ‘l cör seren
tegnendove par man
e i sguardi tendri e fisi
l’è ‘na careza morbia
pò tut par molesin
se g’as vesin ‘na stéla
che sluse e se smamise
par starte arènt doman
Giuliano
per Elisabetta e Tatu, con un sorriso
Questo/a opera è pubblicata con una Licenza Creative Commons
calìva che crese
linzöl de coltrine
l’è nòt senza stéle
pan pian smorza ‘l dì
la tase la val
‘ngremida lì al stròf
e ciuta spavènt
el brigol de ‘n lum
pò tut enten colp
se sfanta ‘n pò ‘l ciel
caluma la luna
sgionfando i pensieri
i slanega fisi
sbrusor ‘nmèz al pèt
l’è sogni che core
sul còl babilòn
se smorza la nòt
a ‘n spizec bel tebi
la scònde quel bòzol
fiorise ‘n bèl dì
Giuliano
Questo/a opera è pubblicata con una Licenza Creative Commons