el fior pú bel…

      235.mp3

a spas gió ‘n longa ‘l Brenta
strucá lí arent a ti
col cör che par ‘n orloi
che core ‘mpresa al sol

e i oci toi che sluse
dal bel che aven entorn
l’é ‘n fior de ciaresar
lí ‘n mez ai tó cavei

te sento primavera
‘ndel tó parlar content
te sento dolcia dent
‘n quel tó sentirte méa

e tute le dolceze
che me fá sentir tó
me s’ciopa ‘n mez al pét
volerte arent par sempro

ti ses el fior pú bel
che é sol da ‘rlevar morbi
ti ses el fior par mi
che me fá sentir bel

Giuliano

Questo/a opera è pubblicata con una Licenza Creative Commons
Free Cultural Works

e se desvegia ‘l ciel…

      233.mp3

l’é ‘n dí de primavera
che ne careza i sguardi
che fá sperar ‘ndel viver
arent a ‘n cör lontan

e i buti su quei rami
che sbocia de rosada
me ten fis, stret al pét
‘l pensier che gó par ti

quel fior de vita dolcia
nasú quel dí lontan
che ‘l s’á ‘rlevá da sol
par farse binar pian

si sgionf de robe bele
el m’ha davert ‘n pöc l’anima
fasendome star ben
strucá ‘ndel só amor s’cet

Giuliano

Questo/a opera è pubblicata con una Licenza Creative Commons
Free Cultural Works