Articoli

Pubblicato il

en fior de ciaresar…

      240.mp3

‘nden nugol de cavei
strengiù che ‘l par en giòm
vesin al tò soriso
gh’è ‘n fior de ciaresar

tut bel davert al sol
l’ilumina ‘l tò viso
e ‘l s’ciara i tòi bei oci
che varda ‘l ciel azur

e ‘l te ‘mpitura dolc
quei sguardi che me sbrigola
color che averge l’anima
sés fior de primavera

e ‘l sol che te careza
te fà slusent el vel
che ‘l vibra a ‘n vent feruscol
‘nden spizek de pasion

te sento ‘mprofumada
da ‘n vent de rasa fresca
che al cör che tase cèt
ghe nina pian el pas

te slanzes lì sul prà
e ‘n dindonar lontan
me fà sentirne arent
‘sto fior che strengio al pèt

e ‘l sluser dei tò’ oci
che parla s’cèt da dent
me fà polsar el viver
arent a ‘n bòciol bel

Giuliano

Questo/a opera è pubblicata con una Licenza Creative Commons
Free Cultural Works

Pubblicato il

ma gh’é valgún…

      237.mp3

ma gh’é valgún arent
anca ‘ndei dí pú torboi
quanche te par en sgreben
anca ‘l sinter pú slis

ma gh’é valgún che bròa
par farme sentir fort
en calt che ‘mpiza l’anima
che ‘l fá sentirme vío

ma gh’é valgún si caro
che ‘l me stá arent empó
anca se son lontan
vesin sol col me eser

ma gh’é valgún ‘nden fior
che sbocia al sol pan pian
che slarga ‘n pöc le föie
par destebiarse cét

ma gh’é valgún ‘ndel spizek
de st’aria sbrigolina
che me desmisia i sogni
ma ‘l par careze morbie

ma gh’é valgún ‘ndel sluser
dei oci toi si dolci
che slanega i pensieri
ninandoli ‘ndel morbi

ma gh’é valgún arent
l’é ‘n fior de primavera
che me se struca al pét
disendome ‘l só amor

ma gh’é valgún che és ti
e me carezes dolcia
e i laori suti i tase
parlandome col cör

Giuliano

Questo/a opera è pubblicata con una Licenza Creative Commons
Free Cultural Works