ma ti me pares chi…

      256.mp3

gh’è ‘l ciel empiturà
da nugole che scampa
lasando ‘ndré colori
e ti me pares chi

e quel susùr de vent
che ‘l nina la tò voze
che cuna ‘n pöc el cör
e ti me pares chi

pò i oci tòi
‘nmez a quei ragi
de ‘n sol che sluse
e ti me pares chi

sota ‘n pomàr
enprofumà de bòn
de quel saor si dolc
che ti me pares chi

‘nden prà de fiori
stiradi al vent
che fà da nìo ai amori
e ti ses sempro chi

su ‘n cima ‘n cròz
vesin ‘na stela alpina
che ‘l par la préghia ‘l ciel
ma ti me pares chi

sempro chi arent
de dent en l’anima
che boie de sto amor
ancora ‘n migenin vesina

ma ti me pares chi…
ancora ‘n pöc
magari sempro
de dent de mi

Giuliano

Questo/a opera è pubblicata con una Licenza Creative Commons
Free Cultural Works

sès el mè sol slusènt…

      255.mp3

vardo de dent de mi
se resta ‘n postesìn
che no t’es töta ‘ncor

e gato ‘nden canton
en migenin de bata
par farte ‘n cucio morbi

o par smorbiarme mi
che sento fort
en gran sbrusor selvadech

o ‘l pensier dolc che g’ò par ti
che ‘l cròda a rudolon
en mèz al cör che sbrigola

sès el mè sol slusènt
che ‘l par ‘nsin stròf, dalver
ma che ‘l ris’ciara i dì

Giuliano

Questo/a opera è pubblicata con una Licenza Creative Commons
Free Cultural Works