nalènt…

destrani de quei oci
che me se strenge ados
e par careze morbie
che stebia ‘n pöc el cör

destrani del soriso
che ‘l par en sol de istá
rumor fis de farfale
cunade pian dal vent

destrani de ‘na voze
che me compagna i dí
de quanche ses vesina
arent a ‘n sol che bròa

destrani de quel vel
che par de seda slisa
e ‘l ten come ‘n linzöl
scondudi i bei pensieri

destrani del tó viso
si dolc che ‘l par de mel
che ‘l me sá sempro dir
en migenin de amor

Giuliano

Questo/a opera è pubblicata con una Licenza Creative Commons