nalènt…

son propi content
che ti ses vizina
a tute le smanie
che sento ‘ndel cör

compagnes giornade
s’ciarade dal sol
con quel to soriso
che ilumina i oci

quei oci profondi
che parla de tut
de tut quel che sentes
de dentro, par mi

e dopo me parles
de quel che as pasà
‘ndei ani che ‘l cör
pareva ‘n pöc sort

te pandes depù
man man che capises
che adeso stà strada
l’èi ciara par ti

da ti l’èi daverta
dal bel che me das
dal bal che na sera
‘mbastiven pian pian

sentendo canzon
che slarga i pensieri
par farne sgolar
ensema ‘ndel ciel

e ‘n giro de valzer
magari ‘l strucon
me feva sentirte
vizina al me cör

sentirte la pel
sfiorarme ‘n pò i làori
susur de pasion
che ‘l taser tradise

e dentro ‘ndei cöri
che bate pù fort
scolobia ‘l saver
che ‘l viver l’è nos

Giuliano

Questo/a opera è pubblicata con una Licenza Creative Commons