Autore: diaolin

‘na nòt strucà ‘l cosìn
con quei tòi oci mori
che m’à ninà i pensieri

e adès che ‘l sol el ciuta
dedrè da ‘n aser ros
me son gatà chi sol

quei tò sorisi tendri
e la tò voze morbia
sconfonde ‘l sfalivar

e i sento adòs ‘ngropadi
pò i struco dent ‘ndel cör
che par ‘n orloi ‘mbriac

sès tut l’azur del ciel
che ‘nlumina i me dì
e ‘l ragio ‘l par careze

‘ndel sgianz de quel sol maoc
che ‘ncolorise ‘l bosc
gh’è quel moment che ès tì

se me desmisio, sol
te sento arènt pu bèla
come che fusti chi

Giuliano

Questo/a opera è pubblicata con una Licenza Creative Commons