Autore: diaolin

Pubblicato il

el pitor…

      214.mp3

sgualiva ‘n pó i pensieri
vardar quel fil de gialt
che avérge ‘n doi la tela

e nugole de azur
misiade ‘n mez a l’erba
confonde ‘l prá col ciel

gh’é dent,
en quel color
la vöia che as de viver

e ‘l quadro, fermo, ‘l mostra
quel rider tó content
de ti vesina al cör

e i oci tói che sluse
par l’ultim sgianz de amor
de ‘n brao pitor che sogna

lí dent, t’ho vista ti
arent a l’anima
e mi te sento dolcia…

Giuliano

Questo/a opera è pubblicata con una Licenza Creative Commons
Free Cultural Works

Pubblicato il

par ‘n amica…

      210.mp3

mel carezavo come ‘n fior
e mel strengevo arent
come ‘n popet che sgninfa

m’é sempro parest nínoi
i mé dolci pensieri
che ‘l vent s’é portá via

e dentro ‘n mez al cör
‘na nina nana trista
la me cunava ‘n pöc

e ‘l ciel desferenziava
sté nugole da ‘n sol
che nol naseva pu’

e come ‘na vis’ciada
en brac de rovi spizi
me ha desmisiá dal son

l’é ‘n bus che par ‘na lora
de sota ‘i péi davért
ma ‘l sol, corege ‘l pas

e pian, con ragi deboi
e man che strenge l’anima
me tiro ‘n mez a ‘n prá

che é propi chi vesin
dedré dal veder torbol
e ‘l speta sol che mi

e ‘l cör, che par na grágola
se calma ‘n pochetin
par farme ‘n pöc polsar

par farme veder giust
nel fior sbociá su ‘n ram
ancora ‘n pöc de bel

e vozi de campane
lontan, su da la val
me segna ‘l temp che ariva

che ariva par chi scampa
che core dré a chi é sort
che speta, chiche ama

l’é ‘n temp che vivras dolc
se sas volerte ben
se sés chiche gas dent

Giuliano

per una cara amica, Vally, che in questo momento si sente tradita…

Questo/a opera è pubblicata con una Licenza Creative Commons
Free Cultural Works