Articoli

Pubblicato il

caréghe…

      887.mp3

ai vìst su ‘nde ‘l spiàz
na bandéra lì al vènt
ligada da ‘n spac’
presón del sò èser

sbregàda dal ghìrlo
che ‘l sófia ferùscol
desfàrghe qoéi grópi
e lašàrla sgolàr

ma ‘ntant che la sera
menèstra marènda
valgùn se la spónge
par darghe ‘n repèz

el tàia via sbrèghi
‘l cosìše qoei busi
pezòte de scàmpoi
la par ‘n arlechìn

e ‘l sol ‘l la salùda
co ‘n ràgio bèl tebi
ma ‘l se stormenìs
vedendo ‘l sò ciànt

l’èi növa, l’èi lustra
stirada e netàda
no ‘l par nanca éla,
vestida da festa

ma rèsta de aéri
quel spac’ che no ‘l mòla
tegnèndoghe struche
le sgrinfie sul còl

sia mai che qoel vènt
delìbria i sò sogni
sia mai che valgùni
respìria de sò

Giuliano


Questo/a opera è pubblicata con una Licenza Creative Commons
Free Cultural Works

Pubblicato il

stracà dal sol

      878.mp3

a svoltolon sul lèt
‘ngartià ‘nde na flanèla
e i òci fiši sul celór
‘ndorbidi ‘nde qoel slùser
come che ‘l fiòchia, sèmpro e sèmpro

i làori suti, screpoladi
e dent ‘ndei sguardi mèi
‘na rogia la me ronca
pò sule galte roše
na lagrima che brusa, la par sia ‘l föc de dispiazéri

valgùni, chi vesìn
me cònta le sò storie
e qoél saór de rugiol
che me scaveza ‘l fià
l’è sol s’ciafoni, a ‘n cör che völ sgolàr a le sò cà

chi ‘ntorn sèmpro Nadal
co le sò lum che sbrìgola
machine che le rùmega
par dar spintoni al viver
fintant che ‘l sènto dént de mi, ‘mpizà ‘n de l’àrfi

pò ‘l vènt l’avèrge i vedri
e sento ‘n zìfol crùo
su ‘n mèz la néo se cuna
en petalo de rösa
a ‘ncolorirme ‘n pöc de sò, la sera greva senza luna

camìno sui pensieri
su ‘n mèz a le mè val
coi fiori söi de acàz
che è mél par la mè lengua
e quel azùr su sora, capèl sul mè sintér

perdù ‘ndei sogni mèi

Giuliano

Non capisco come fanno tante persone a sopportare questo ma le ammiro molto.

(Per Mario…)


Questo/a opera è pubblicata con una Licenza Creative Commons
Free Cultural Works