nalènt…

quei oci nfioramadi a primavera
che mostra ‘ndel tò sguardo l pù bel viver

mei tegno struchi e fisi ‘ndei pensieri
‘protegerme da’n sol che ‘l me ‘mbarluma

me par che i cantia pian ‘na serenada
careza tendra ‘l cör se no ghe sès

e tut el ciel, tranquilo mar se slonga
‘ndel sò ninarne arent ‘caval su l’onda

pò calt quel sol marugol desedà
pù acort el ciuta för dedrè dal mont

e ‘l stebia coi sò ragi i sogni dolci
si fòrt che ‘l par che ti fusti al mè brac

strengiuda fisa fisa al pèt smanios
‘nden valzer visavi che gira ‘n tondo

balando ‘mpasionadi ‘n front al vent
feruscol, berechin, con ti vesina, arènt

con ti bel sol broènt de dent ai sogni mei
portando al mar l’azur de’n dì che nase vìo

Giuliano

Questo/a opera è pubblicata con una Licenza Creative Commons