Articoli

Pubblicato il

na luna che sès tí

      202.mp3

lí sora la Maranza
postada ‘ndena cuna
gh’e’ ‘n fil de luna palida
en sbrigol de pasion

na luna che sés tí
che ciutes för dal scur
ti fior de primavera
a destemprar sta not

su dré quel croz la cala
portando arent saori
che me recorda ‘n vel
basá coi laori mizi

sta luna che l’é ‘n sogno
dré ‘l pas la ne compagna
disendone dal cör
che ‘l scur l’é ‘n strac pensier

e ‘l ragio che ‘lla strenge
‘nde ‘na coltrina ciara
‘lla fá parer ‘n anel
che voría darte al dé

par dirte a tí che brames
che son seren con tí
e ‘l mont el me la sconde
ma mi la sento dent

Giuliano

Questo/a opera è pubblicata con una Licenza Creative Commons
Free Cultural Works

Pubblicato il

quel linzöl bianc…

      195.mp3

quel linzöl bianc
che squerge ‘n pó tasendo
quel cör si gros che dorme
me porta via ‘l pensier

sgolando sora i fiochi
de nèo che cróda bianca
par svizinar ‘n pöc l’anima
a ‘n paserot ‘nghiaciá

che come ‘n primavera
l’é saltá för dal nío
cercando ‘n fil de sol
drè a ‘n sfalivar che tase

e tut entorn par bata
ninada arent ‘la vita
che sota sta flanela
la polsa ‘n pochetin

lí sota ‘n fior che speta
vizin a ‘n amor ceto
che ‘nde sto taser morbi
se ‘nsogna ‘l só doman

e pian la cala bianca
sta querta freda e tendra
par i oci paradis
dei fiori cuna tebia

e me somees ti
sto delicat concerto
de fiochi a ‘n bal portadi
da ‘n vent che sfiora ‘l cör

Giuliano

Questo/a opera è pubblicata con una Licenza Creative Commons
Free Cultural Works