nalènt…

e anca st’an feruscol
el n’è scampà de man

come ‘n gatel furbet
‘l se sconde drè a’n muret

ma resta dentro a l’anima
sta sensazion de calt

che me à portà sto amor
pien de pasion che sbrusa

e ‘nsema a sto star ben
ghè i oci soi de ela

che i me sgiaventa ‘l cör
‘ndel nugol de ‘n soriso

che i me dindona pian
par farme sentir ben

e sento fort el viver
vizin a sto bel fior

al fior dei sò bei ani
al sol del sò pensier

a tute le parole
che la se tase dent

ma le pasion dal cör
de dir no ghè bisogn

ghe sento ‘n gran boidor
se l’èi lì arent a mi

me sento sbrigolar
saver che l’èi par mi

e l’an che è chi che ven
farà ‘l nos cör seren

par viver man ‘nla man
en dì, lì arent a ti

Giuliano

Questo/a opera è pubblicata con una Licenza Creative Commons