tornar a ca’, col sol ‘ndel cör

      261.mp3

me son strengiú vesin
al tó bel cör selvadech
‘nden viac en front al sol
coi oci toi lí arent

e gh’eres dolcia, ti
come quel ciel azur
che ne ha vegiá bel morbi
vardando ‘l nos bel viver

‘ndel vent che par careze
e sgrifa i laori suti
mi te sentivo tendra
e me compagnes, vera

su ‘ncima a ‘n croz slavá
mi te ho gatada, crua
come sas eser ti
ses come te vöi mi

Giuliano

Questo/a opera è pubblicata con una Licenza Creative Commons
Free Cultural Works

ensema a tí…

      260.mp3

vesin ai tó sorisi
strengiú fis fis al cör
naró pan pian seren
ensema a tí felize

le man ‘nle man strucade
e i oci toi si dolci
fará sentirme tó
compagna del me viver

e quel susur del ciel
che t’ha portada chi
sará careza morbia
che nina ‘n pöc i sogni

quel fior cresú lí arent
scondú da ‘n ram de dasa
‘mprofumerá i mé dí
par sempro ‘nsema calt

par sempro ‘nsema a tí

Giuliano

Questo/a opera è pubblicata con una Licenza Creative Commons
Free Cultural Works