sès el me sogno bel…

ligér,
cunà da ‘n refol de profumi
spavent, che ‘l par en scoanìo
l’è ‘n petalo de ‘n fior
de acàz, madùr

e ‘l bala,
enmez al vent che ‘l sà de rasa
pogiandose pan pian
come careza morbia
sul viso tò sì bel

sorides,
come la mel pù dolcia
con quel tò vel sì morbi
che mi me par nà rosa
farfala mpiturà de arcobaleno

e sès par mi,
con quei bei oci fondi
castegne che par brase
che me rebalta ‘n tèra
‘nden nugol de colori

e ‘l bala,
ancor pù ‘mpresa al vent
che ‘llo fà splindernar
content, d’èserghe chi
con el piazer de viver

sorides,
na volta ancora ‘n pù
e ‘l sguardo tò si caro
me fà sentirte dent
el ben che g’as par mi

Giuliano

Questo/a opera è pubblicata con una Licenza Creative Commons