This page was exported from nalènt... [ http://www.diaolin.com/wordpress ]
Export date: Mon Apr 15 22:39:04 2024 / +0000 GMT

co la coa 'ntrà le gambe...


gh'è sempro valgun
che 'l gà la pasion
de meter sul foli
parole che 'mpiza

en dì gh'è lo Stato
e 'n altro la guera
ma giust stamatina
emergenza 'nmondizia

l'è ani che i tase
sentadi sul morbi
l'è ani che i magna
sui pizi pù lindi

e för dala porta
'na cort dala grasa
e 'l föc del camin
fà sempro Nadal

ma ades che col nas
i sente la spuza
sen noi che no sen
taliani dal bòn

e tante reson
par dirne de tut
de vaca e de bò
ciapadi col s'ciop

ma tuti saven
la fin che faren
col cör 'nmez le man
a pianger marenda

e sta pöra gent
che 'n grazia la speta
la gà sempro tòrt
se no la se 'ncucia

e alora ridendo
de quel che i ne sgionfa
la coa 'ntrà le gambe
salvàn ste careghe

aven dit de no
ma no a le mondizie
ma a chiche del gal
no scolta 'l cantar

i völ farne creder
che noi fusen sordi
ma ani de odor
valgun se à snasà

sentadi lì, al tebi...

Giuliano
Powered by [ Universal Post Manager ] plugin. HTML saving format developed by gVectors Team www.gVectors.com