s’ciarar la not…

vardar lontan nel vent
el ciar de stá giornada
nel ciel coi só colori
che te scolpise ‘l cör

vizin a chiche varda
quel che, vén för dai laori
par farghe sentir fort
colori che smarise

par farghe sentir dent
tut quel che aven arent
disegni entortoladi
dal vent che sofia pian

lasandoghe ‘n pöc dent
quel che me sento mi
vardando sol co l’anima
‘l regal de sto moment

l’é sensazion sí forte
che me fá sentir giust
che ‘l bel che pödo veder
‘l ghé sol se ‘l sento dent

l’é fazile vardar
coi oci mizi e sgionfi
ma ‘l dár color col cör
me sá s’ciarar la not

Giuliano

per Danilo e per una sua passione… accompagna alcuni amici ipovedenti a sciare… bravo

Questo/a opera è pubblicata con una Licenza Creative Commons