spetar… el sol

      176.mp3

a l’ombra de na nugola
che squerge ‘l sol che sluse
‘l se nina ‘nden canton
spetando na parola

l’e’ lí ‘n pöc malsaorí
dal vent che ‘llo careza
fasendoghe sentir
en fret che strenge el cör

e ‘l speta, quel bel fior
su’n pra’ mordu’ dal vent
na man che ‘l se lo bina
par strengerselo a l’anima

par darghe a modo só
quel migenin de calt
che ‘llo fá viver san
strucandoselo arent

ma ‘l dí che ‘l se fá not
l’engiaza la rosada
del fior che ha lagrimá
spetando ‘n ragio tebi

e l’ultim sgianz de sol
che scampa för dal ciel
‘llo scalda en menut sol
e al fior ghe par amor

Giuliano

Questo/a opera è pubblicata con una Licenza Creative Commons
Free Cultural Works






Lascia un commento

Il tuo indirizzo email non sarà pubblicato. I campi obbligatori sono contrassegnati *

 characters available