This page was exported from nalènt... [ http://www.diaolin.com/wordpress ]
Export date: Wed Apr 17 6:35:56 2024 / +0000 GMT

en dí de primavera...


en dí de primavera
col ciel che neva a dormer
en ultim sgianz de sol
'l te m'ha portada arent

me se era será 'l cör
da 'n dí lontan, sgaús
ma 'l tó sinzer soriso
l'ha 'vert smarlósi rugioi

e 'l temp el pasa 'mpresa
lasandose dedré
pasion mai destraniade
donandone 'n bel viver

te sento sempro chi
vizina a mi e si dolcia
come 'n bel fior de acaz
che 'l me mprofuma i dí

ses en rosar che sbócia
ses en ciciól che canta
vardandote 'n quei oci
che i par 'na sgiaranzada

ti ses la gema fresca
che móla odor de rasa
che se la scolto fis
la me scolobia 'l pét

e ariva pian la voze
che sá de paradis
l'é 'l moment nos pú bel
l'é 'n dí, che é primavera

Giuliano
Powered by [ Universal Post Manager ] plugin. HTML saving format developed by gVectors Team www.gVectors.com