|
nalènt... https://www.diaolin.com/wordpress/?p=265 Export date: Wed Mar 26 21:37:52 2025 / +0000 GMT |
vardarse 'ndrè...l'ei erta come 'n mur la cava 'l fiá cativa 'sta strada vers al ciel me pico fis a 'n ram come su 'n mez a 'n sgrében par no slizegar gió la cima la par chi vesina a 'n colp de ocio che 'l par de carezarla ma tut 'nden colp l'é scur squergiú da 'n linzöl greo che sconde 'l sol ai sguardi su 'n mez 'quei crozi lustri slisadi 'n pöc dal vent 'na bela stela alpina la ciuta för spaventa par farse carezar su 'n quel sbrióc 'ntra i mughi e mi che me arvezino col cör che me scolobia te sento ti 'ndel fior e 'l ciel che 'l scolta e 'l tase par compagnarme arent l'averge 'l pét de azur me polso a farghe ombría e vardo 'ndrè la chipa ma ades l'é 'n prá de fiori ades l'é quel che és ti Giuliano |
