El dis el bis al tas…

Del Gregaredo Begoncias alias Camillo Conotter dela Vela

Dre ‘n mas su ‘n vers Lases
en bis che neva a spas
‘l s’a trovà sora ‘n bus
squert su de rais

e ‘ndel sgaus del bus
el bis l’ha vist en tas
“Tei, ti, balos che sès!”
– el dis el bis al tas –

Che fas giò lì ‘n quel bus?
Se giò n’quel bus lì stas
devèntes masa gras !!
po’ ciapes su la tos !!

Che gas ti ficanas
el dis el tas al bis
se vegno su dal bus
te dago en pugn sul mus

Se fas en pas
el dis el bis rognos al tas
” Te molo en sas sul nas ” !
” Che fas ?” – el dis el tas

“Te molo en sas sul nas”
el dis el bis pu fis
rognos e ‘npontilios
ben mes ‘ntra le rais !!

E’ suzest en rafanas

Rabios tut ros el tas
l’ha trat via le rais
l’è salta su dal bus
l’ga corest dre a quel bis….

E ‘l bis, pauros tut scos
dal mus pelos del tas si gros e gras
el sè ‘mbusà ‘nden bus
che gh’èra live a ‘n pas

Ades, i dis che l’tas
pelos e mparmalos,
l’è sempro lì su l’us
che ‘l speta che quel bis

che ha fat el ficanas
el vegna for dal bus
par dirghe: Vergognos!!
e darghe en pugn sul mus!!

Ma ‘l bis da ‘n altro bus
l’è già scampà da ‘n mes

Questo/a opera è pubblicata con una Licenza Creative Commons