This page was exported from nalènt... [ http://www.diaolin.com/wordpress ]
Export date: Fri Apr 19 15:51:40 2024 / +0000 GMT

el catalét...


me recòrdo da putàt
qoela campana gréva
sonàr sul vent zidiósa
par compagnar valgùni

el prèt co la sò tònega
color de genzianèla
cantarse le sò slòiche
co i òci mizi e sgionfi

pò i ceregòti stufi
a sdindonàr el trìbol
le femene col vel
a dirghe su orazión

pogià sul catalét
qoel brùt gabàn de zìrm
e fiori tut entorn
fumént de 'ncenso crùo

ma 'ncöi no i l'à dropà
i se l'è töt en spala
par darghe l'ultim ciao
tegnèndosel arènt

la gènt la vèn pu bèla
vardarghe dré al sò viac
e l'ultima caréza
aqoa santèl che sgola

vorìa che avesti vist
recòrdi dent qoei òci
e tègno fis 'n de 'l cör
qoel ultim tò soriso

m'as dit parole dolcie
che m'à 'ngropà 'l respiro
col sol che neva gió
sentà sul pontesèl

e 'l navesèl de vozi
che salta för par sora
rembomba 'n pöc de ti
e torna 'l bòt

e 'l bate ancor

Giuliano

Oggi una persona buona non c'è più...
Powered by [ Universal Post Manager ] plugin. HTML saving format developed by gVectors Team www.gVectors.com