This page was exported from nalènt... [ http://www.diaolin.com/wordpress ]
Export date: Mon May 6 4:40:55 2024 / +0000 GMT

en bal con tí...


me piasería 'na volta
strucandote sul cör
balar ensema a tí

vardar i tó cavei
farfale sora 'l vent
e i oci che te sluse

pasar 'na sera al lum
de quela luna palida
che né compagna 'l pas

entant che 'l sonador
el mete la só anima
par dirne ancor vargót

e dirte sotovoze
parole dolci e ancora
el fiá che se consuma

ma 'l bal che voría far
ensema a tí par sempro
nol scolta 'l sonador

podrá fermarse 'l canto
che ne compagna ades
e che 'l ne fá sofiar

ma 'l bal che voría mi
el resterá per sempre
a darne 'n pöc de bon

l'é quela longa strada
che vedo 'n font al ciel
che voría far con ti

doi tonde 'nsema ancora
par farne sentir nos
stó bel moment de amor

la musica la tase
ma resta el tó soriso
che me 'ncadena el cör

Giuliano
Powered by [ Universal Post Manager ] plugin. HTML saving format developed by gVectors Team www.gVectors.com