This page was exported from nalènt... [ http://www.diaolin.com/wordpress ]
Export date: Fri Apr 19 16:13:32 2024 / +0000 GMT

l'ultima fiéta...


gió 'n de l'ara sora 'l fén en mèz la paia
'nfagotadi come 'l fušia scoanìo
propi lì vesin a l'as da le perséche
gh'èra i pomi da la rösa che i polsàva

la mè zia la li coìva gió da l'arbol
che 'l serviva a farghe ombrìa al vòlt dal vin
la 'n binava qoasi trèi benèi 'mpienùdi
par lagarli, pan pianin, a maseràr

pò de aotùn, qoanche le nugole piangeva
la mandava i matelòti a törli su
se sentiva 'n bòn profumo, come mél
för da l'us che no gatàves mai 'nciavà

e la sera, strachi e slözi arènt la tàola
se gatava 'n bèl tortèl e l'era festa
tuta tonda, calda e dolcia la fumava
e restava fis de dent qoel bòn saór

anca 'ncöi la la sìa sèmpro come alora
cole nóš e  l'ùa seca, gnènt botér
come alora resta lì sola sul piat
qoela fiéta che negùn vorìa che i màgnia

l'è 'n pensier par valghedùn che è restà senza
lašà lì parché doman se 'n gàtia 'ncor
sol che adès rèsta sol mìgole soliènte
no i ghe 'n dà nanca a i osèi ngremidi al frét

no i sparàgna nianca 'l piat par empienìrse
e valgùn che è resta senza è 'ncor famà

Giuliano
Powered by [ Universal Post Manager ] plugin. HTML saving format developed by gVectors Team www.gVectors.com