varda stà luna splendida

varda stà luna
che slarga ‘l cör
nel ciel seren che slusega

le stele palide
le brila pan pianin
par darne molesin
en vel che par careze

che mete calt
co’ le parole
de chiche tase ‘n pochetin

de chiche, caro,
al cör ghe lasa ancor
sentir pasion smaride
pù spesse e vere

no l’è menuti
scondudi al scur
dedrè an canton che sconde amori

e ‘nnanzi al bel
de stà serada
no ghè ‘l bisogn
de star lì squerti

e tuti i segni
de ‘n ciel sì bel
fa che doman se ‘l pödia viver

cosi che ‘l cör
che nol ragiona
nol spetia ‘n volta
par se polsar

ma ‘l vardia för
dala finestra
par veder ti che portes paze

paze par l’anima,
vöia de rider
con tut l’amor
che fà star vivi

con el pensier
che ghè qualcun
che da lontan ne pensa fiori

Giuliano

Questo/a opera è pubblicata con una Licenza Creative Commons