This page was exported from nalènt... [ http://www.diaolin.com/wordpress ] Export date:Sun May 5 11:26:28 2024 / +0000 GMT ___________________________________________________ Title: l'aqoa bòna... --------------------------------------------------- 'na rogièla che fà còcoi de sò posta, arbandonada för dai félesi che sqoèrge, 'l mus'cio vért e i granetàri la se sgionfa gal zedrón, qoanche pasa 'n nugol scur par cetarse 'mpisolàda, sota 'n sgiànz che vis'cia i témbei pò la pòlsa 'n pocolìn, lì 'n de 'n poz 'ntrà i mughi verdi par vardarse, berechìna, 'n fior che ciùta de scondon fresca dolcia e 'n pöc rabiosa, ghe se spègia na pavèla pàr na lagrima de azùr con qoel ciél sfondà gió 'n fónt slinchi, corse e rudoloni, la careza 'l bosc che spèta pò lagió, 'n la val che tase, tut se ferma, 'mpresonà gh'èra 'n lareš a far guardia, 'na saéta 'l l'à cucià rebaltà via 'n mèz a l'aqoa che pan pian deventa möia sento ghirli de cigaia, e canzon de grii sul prà varda e tase i giasenàri, par tut perle i bòmbi negri ma la rogia 'nsin 'mbombìda la fà 'n salt e la salùda come 'n tòn la se fà posto e rembómba 'l rìo tut torc e la cor, slišarše i cròzi, che le péš no le se sgrìfia la se slanza tebia al sol qoanche 'l pas se fà gualìo gocia a gocia la se sfanta, fin che 'l mar farà paion pò postada al vènt che pirla, l'ultim sgol su 'n vèrs le stéle croda pò 'n linzöl tut bianc, qoèrta adòs le cime röse carezando 'l mont che 'l pòlsa, co ì schiràti e le gardéne la se strušia pian su i zìrmi, destempràrghe 'l cör 'ngremì dal susùr del vent che 'l fis'cia, sol na lagrima che sgocia e la sgocia come i òci, 'mpašionadi al prim slusór la se 'n và gió 'n trà i boài, par tornar a le sò cà mi la gato sempro chive, l'aqoa bòna che recòrdo l'èi na rogia che mai zéde, ma che scampa gió 'n trà 'l bosc par lavar pecàdi e amori, cole póze e i molinèi la fa naser fiori azùri dent 'n de 'l pèt de chi la sàgia e se béora anca 'na vaca, su 'n de 'l brènz postà lì 'n lònga sènto 'l cùco da lontan, vèn de corsa 'n léoro sol l'ultim goc e 'l sol che spónge, fòrsi 'l piöve anca doman Giuliano --------------------------------------------------- Images: --------------------------------------------------- Excerpt: 'na rogièla che fà còcoi, de sò posta, arba... --------------------------------------------------- Post date: 2009-08-23 16:50:47 Post date GMT: 2009-08-23 15:50:47 Post modified date: 2010-05-13 08:16:13 Post modified date GMT: 2010-05-13 07:16:13 ____________________________________________________________________________________________ Export of Post and Page as text file has been powered by [ Universal Post Manager ] plugin from www.gconverters.com