te laso…

      315.mp3

te laso i mé pensieri
par compagnarte ‘l pas
te laso ‘l vent che ride
e ‘l busna morbi e tebi

te laso ‘l ciel pu azur
quel spegio dei tó sguardi
te laso ‘l vert dei pradi
a ‘mbarlumarte ‘l cör

te laso ‘n fior che sbocia
compagn de mili dí
te laso ‘n bel soriso
a ‘ndormenzarte arént

te laso ‘na parola
che dis tut el strangos
te laso ‘n bel tramonto
strucada chi con mi

te laso ‘n oselet
che ‘l zifola felize
te laso ‘n cant lontan
armar pien de pasion

Giuliano

ascoltala letta dal Diaolin

Questo/a opera è pubblicata con una Licenza Creative Commons
Free Cultural Works

sgolar…

      312.mp3

‘na onda sora ‘l ciel
che se strasina, cèta
cunandose pu dolcia
caluma ‘n sol che zede

e la sdindona pian
lasù, su ‘n mez ‘l azur
co’ l’ ocio atento e furbo
ciutando dre ‘na rama

i starlezari i sgocia
‘na lagrima de vita
li ‘n longa ‘l rio che boie
e ‘l slanega pasion

e ‘n gaida ‘l ciel la sgola
ensema ‘n ciuf de bata
ninandose sul vent
strengendo ‘l cör pu fis

l’è ‘n nugol ciar de sol
che sluse ‘nde quei oci
l’è tut el mè doman
quel ciel de dent de ti

Giuliano

ascoltala letta dal Diaolin

Questo/a opera è pubblicata con una Licenza Creative Commons
Free Cultural Works