Autore: diaolin

Pubblicato il

tegnirte fisa arènt…

      308.mp3

sès chi, vesina al cör
coi oci empasionadi
sgionfi che i par ‘mpizadi
tendri che i fà pasion

sbrigoi che te ‘ntavana
struca ‘nmez ala querta
e i tò sorisi pasi
che me sconfonde dent

e ‘ntant el dì ‘l và a polsa
strusiandose ‘n pò ados
lasando ai tò pensieri
quel bambinel vesin

sarò con ti l’istes
anca se no me avras vesin
sarò con ti, doman
parchè sès el me sol

penseme fòrt empò
entant che sès en festa
teime ‘ndei tò pensieri
che ti sès sempro chi

pu fisa, arènt a mi

Giuliano

Questo/a opera è pubblicata con una Licenza Creative Commons
Free Cultural Works

Pubblicato il

la magnadora

      307.mp3

diseva la mè mama
de ‘n bambinel spavent
cucià ‘ngremì ‘n la paia
scaldà li sota ‘l fen

‘l gaven en ment
pensier de paze
‘l gaven ‘ndel cör
fiama che arde

e tut che sluse
de festa granda
de gran magnade
dolci e sorisi

ma l’è ‘ncor lì
dent en la stala
el bò ‘l lo scalda
la gent la pasa

no la gh’è pù
la cuna sgropolosa
quel cucio morbi
che i n’à contà

l’è deventà ‘n tacuin
l’è tut ‘na magnadora
l’è deventà ‘n mister
sto palesar dolceza

ma ‘l bambinel l’è lì
scondù dedrè a quel’asen
co le sò rece spize
a scònder sto brut veder

no l’è così ‘l Nadal
no l’è così l’amor
dedrè quel’animal
gh’è quel che sen dal ver

svöidan sta magnadora
da sto mercà de soldi
almen par en moment
par veder quel che è dent

Giuliano

Questo/a opera è pubblicata con una Licenza Creative Commons
Free Cultural Works