Mai arrabbiarsi, solo meravigliarsi!
vesin ai tó sorisi
strengiú fis fis al cör
naró pan pian seren
ensema a tí felize
le man ‘nle man strucade
e i oci toi si dolci
fará sentirme tó
compagna del me viver
e quel susur del ciel
che t’ha portada chi
sará careza morbia
che nina ‘n pöc i sogni
quel fior cresú lí arent
scondú da ‘n ram de dasa
‘mprofumerá i mé dí
par sempro ‘nsema calt
par sempro ‘nsema a tí
Giuliano
Questo/a opera è pubblicata con una Licenza Creative Commons
‘na camisa a quadri rosi
coi botoni denzoladi
sota ‘n sol che ‘l bate fis
gh’é ‘n boscher ennamorá
dent en mez a ‘n fas de rami
che ‘l desbriga par far ciar
bate fort en cör che broa
come bora par tambúr
pó la slizega pú ‘mpresa
‘nden boál che pica fort
e ‘l zapin che ‘lla strasina
ghe somea ‘l pensier de ti
no ‘lla sente la fadiga
el nós om selvadec dolc
el gá ‘n ment sol quei tói oci
che i ghe dis che sés lí arent
ma ‘ndel mucio che se sgranda
resta sempro ‘n fil de ciar
che a vardarghe ‘n méz atento
el ghe trova dent quel bel
che ghe das quanche ‘l ariva
strac da ‘n dí che mai ruava
che ghe das col tó soriso
che ‘llo fá sentirse bén
gh’é ‘n boscher ennamorá
che ‘l te sente ‘n ogni pas
che ‘l te vede ‘n mez al viver
che ogni anda l’ei par ti
Giuliano
Questo/a opera è pubblicata con una Licenza Creative Commons