Mai arrabbiarsi, solo meravigliarsi!
vardo de dent de mi
se resta ‘n postesìn
che no t’es töta ‘ncor
e gato ‘nden canton
en migenin de bata
par farte ‘n cucio morbi
o par smorbiarme mi
che sento fort
en gran sbrusor selvadech
o ‘l pensier dolc che g’ò par ti
che ‘l cròda a rudolon
en mèz al cör che sbrigola
sès el mè sol slusènt
che ‘l par ‘nsin stròf, dalver
ma che ‘l ris’ciara i dì
Giuliano
Questo/a opera è pubblicata con una Licenza Creative Commons
en cròz alt e belisem
picà su ‘n ciel che sponge
empiturà, e sì bèl
che ‘l par che ‘l sia ‘l tò vel
spegià ‘n mez a ‘na poza
che ‘l par ‘n smeraldo vert
en sbrigol ‘ncolorì
da ‘n fort susur de vent
e i oci tòi che sluse
en de sto paradis
fasendome sentìr
che ses lì sol par mi
ma pan pianin ndel vent
‘na voze mai scoltada
la porta al cör ‘na storia
de fade e de careze
gh’è ‘n bel anel de mughi
che struca ‘l ros che boie
e ‘l fà sentirne nosi
lì sota ‘l sol che ciuta
m’as dat en bel moment
lì dent quel pèt che broa
m’as dit resteme arent
fintant che ‘l sol el zede
lasù ‘ndela sò casa
te ho ritrovada dolcia
e ‘ndei tò sguardi gh’era
quel sogno che g’ò dent
Giuliano
Questo/a opera è pubblicata con una Licenza Creative Commons