Autore: diaolin

Pubblicato il

el matelót…

      224.mp3

L’é ‘n neno picenin
che struches fort al pét
el par si molesin
che ‘l fá sgionfarse ‘l cör

vesin a la só mama
che la lo nina arent
te par che ‘l mondo ‘ntorn
nol fusa mai stá gnent

gaver en oselet
strengiú ‘nden nío de bata
fá ‘l viver vos segùr
che ‘l sol sia ‘l vós doman

l’é na careza morbia
che ‘l cerca de aver sóa
par renderve coi oci
el ben che savré darghe

e man endela man
ninandovelo ‘n pöc
gavrèo ‘l color del ciel
che ve compagna pian

Giuliano

Dedicato a Luca Maranzano e alla sua compagna Barbara per la nascita del piccolo Pietro.

Questo/a opera è pubblicata con una Licenza Creative Commons
Free Cultural Works

Pubblicato il

8 marzo

      222.mp3

l’é ‘l nos saor de vita
sti cöri sconosudi
che ne compagna ‘l pas
par desligarne l’anima

le fen patir a volte
ma se no le ghe fusa
no ghe saria ‘l nos éser
che ‘n doi devénta vío

le ne careza ‘l viver
strengendone lí arent
fasendone sentir
l’amor che le gá dent

e ‘l oto marz l’é festa
par ste compagne s’cete
ma ghe auguro dal cör
che ‘l viver sia ‘n bel fior

arent, vizine a noi
che a volte no saven
le só pasion che slanega
el só volerne ben

e par en dí de pú
mi te vöi star vesin
par farte sentir viva
par farte sentir ti

par darte tut el cör
che no son bón de scónder
par darte tut l’amor
che ‘l te sia aút, sinzero

Giuliano

Questo/a opera è pubblicata con una Licenza Creative Commons
Free Cultural Works