This page was exported from nalènt... [ http://www.diaolin.com/wordpress ] Export date:Mon Apr 29 18:41:47 2024 / +0000 GMT ___________________________________________________ Title: i òmeni, de Segonzàn --------------------------------------------------- ai vist lì 'n lònga 'l rìo su 'n mèz 'i acàzi e i peci postàdi fisi al còmot òmeni sgropolosi col sò capèl de sàs sentàdi 'n mèz al bosc' i ghe fà vegia ai ghìmpeni che i ghe fà 'l nìo 'n la gaida alti e paziènti i varda chiche li völ vesini no gh'è en susùr depù che 'n fil de vènt par pèten te par che i sgrìfia 'l mont par rampegarse 'n sù vardarghe dré 'la luna 'ndoche la và a polsàr cèti i sparàgna 'l fià coi òci söi seradi par dar benedizion a chi scondù lambìca slìša gió 'ntrà i mureti fùm de biancàre al vènt brùsa för brasche mìze par ensaorìrse l'òrz sota le chipe al möi storie de cavezài a 'nfagotàr matèle métersele 'ndel sac' e da lasù tasèndo i avèrge l'òcio, 'n gió qoande da le congiàl vèn för sorisi e amori se no i li scorla sù i è sèmpro lì che i dròme ma i dìs a ti che pàses vèine a gatàr ancor sen chi e spetàn da 'n pèz prima che ti ghe fusti noi sen par sempro i òmeni i òmeni, de Segonzan Giuliano I "òmeni de Segonzan" sono le Piramidi di terra di Segonzano --------------------------------------------------- Images: --------------------------------------------------- Excerpt: ai vist lì 'n lònga 'l rìo su 'n mèz 'i ac... --------------------------------------------------- Post date: 2009-02-23 19:42:21 Post date GMT: 2009-02-23 18:42:21 Post modified date: 2009-05-15 12:13:56 Post modified date GMT: 2009-05-15 11:13:56 ____________________________________________________________________________________________ Export of Post and Page as text file has been powered by [ Universal Post Manager ] plugin from www.gconverters.com