ombrìe…

ombrìe sóta i cópi
le smòrza matérie de nèni
che i sdindòna sul vènt
de na bomba che sòna
campana a martèl
su le nòte stonade de ‘n cant
breghelà da sassìni
che i parla de vita e futuro
scondudi dré a soldi
che sbògia scarsèle de braghe pu ónte

Matérie i le ciàma
e i ne cònta bosìe
par sgionfarne la testa
de vozi e parole
entant i putàti l’è pirli che sbòcia
i gira e i fa tonde
ma i cròda solàgni
sul giöch de ‘n caïa
co ‘n scluk butà gió

El giùga a la mòrt
de i altri, par dir,
ma tonda la ràgia
e’l tèmp no ‘l perdona

Giuliano

Questo/a opera è pubblicata con una Licenza Creative Commons